Доколку тоа не сте го направиле пред вапсувањето, извадете ја кесичката од ѓубрето и задолжително проверете го составот.
Несовесни продавачи, желни за заработка за Велигден, купуваат техничка боја и ја препакуваат во кесички што потоа ги продаваат како боја за јајца. За да биде купувачот сигурен дека купил прехранбена, а не техничка боја која се користи за бојадисување ѕидови, мора да провери дали на кесичката се отпечатени ознаки од 100 до 180.
Прехранбените бои се прочистени и затоа се поскапи. Техничките и прехранбените бои имаат ист состав, но се разликуваат по содржината на микрокомпоненти во кои спаѓаат и тешки метали, како што се олово, кадмиум, жива и арсен...
Кои бои се безбедни?
Најопасни се анилинските бои. Ознаките Е од позитивната листа покажуваат дека боите се класифицирани како адитиви за храна. Ознаката Е од 100 до 180 значи дека производителот гарантира дека бојата е безбедна дури и ако дел од неа навлезе во јајцето.
Ако ја погледнете етикетата на кесичката со боја, можете да забележите различни симболи кои започнуваат со буквата „Е“, пишува Локално.
Тие можат да вклучуваат и природни супстанции и синтетички хемиски соединенија. Ова се супстанциите што често се користат во кесичките за бојадисување јајца:
Е 102 – синтетичка жолта боја
Е 110 – синтетичка портокалова боја
Е 122 – синтетичка црвена боја
Е 124 – природна темноцрвена боја
Е 133 – синтетичка сина боја
Овие супстанции се одобрени за употреба во храната, а за нив се воспоставени стандарди за безбедна дневна потрошувачка. Ги има во различни видови храна како слатки, колачи, житарици за појадок, месо, сосови, пијалоци, сладолед, јогурти и млечни пијалоци. Тие служат само за естетскиот изглед на храната, правејќи ги производите попривлечни и зголемувајќи го вниманието на потрошувачите, но немаат вкус или здравствени придобивки. Ознаката Е од 100 до 180 значи дека производителот гарантира дури и ако дел од бојата влезе во јајцето.
Треба да се купува само на места кои се под инспекциска контрола, а притоа треба да се внимава и на рокот на траење. Природните бои се производ на билни пигменти. Една од посигурните опции е да ги обоите јајцата со јестиви бои за колачи - пренесува „Блиц жена“.
Желатините настануваат кога во бојата се додава скроб. Обвивки за јајца често се купуваат, но ваквите јајца се расипуваат по два до три дена стоење на собна температура.
Најдобра варијанта се природните бои од зеленчук. Луковината не е веќе единствениот избор. Виолетова боја дава сечкан виолетов зелка, сина – замрзната боровница, портокалова – сечкана морковка, розева – рендана цвекла, жолта – цвет од невен, црвено-циглеста – мелен пипер...
