Тим на истражувачи од невладината организација „Кондрик Тенерифе“ ја сними, како што тврдат, првата снимка од возрасна риба црн ѓавол (Melanocetus johnsonii) која плива блиску до површината на океанот.
Оваа ретка и мистериозна риба досега е речиси исклучиво видена на големи длабочини, а снимката од брегот на шпанскиот остров Тенерифе претставува значајно научно откритие.
Морските биолози не го барале конкретно ова необично суштество, туку биле на истражувачка експедиција посветена на проучување на ајкулите, кога неочекувано го забележале „црниот ѓавол“.
„Melanocetus johnsonii“ се смета за една од најстрашните риби во океанот - има голема глава, остри заби и карактеристична биолуминисцентна „мамка-светло“ на челото со кој што го привлекува пленот во длабочините на океанот.
Соочувањето со оваа риба блиску до површината покренува нови прашања за нејзиното однесување и потенцијалните причини зошто би го напуштило своето вообичаено живеалиште.
Научниците сега ги анализираат снимките и податоците за подобро да го разберат овој ретко виден вид.
Црноморскиот ѓавол (Melanocetus johnsonii) е еден од најпознатите видови длабински риби од фамилијата Melanocetidae, која спаѓа во групата риби со јадица (Lophiiformes), позната и како риба мамка. Овој вид ги фасцинира научниците поради неговиот застрашувачки изглед, адаптацијата на животот во екстремни длабочини и уникатните репродуктивни навики.
Инаку, оваа риба живее на големи длабочини, обично меѓу 200 и 2000 метри длабочина, каде што има целосен мрак и висок притисок.
