Марихуана Пепси Вендик (52) тврди дека не пие газирани пијалоци, ниту пак некогаш пробала дрога. Истото важи и за нејзината мајка, која смислила крајно необично име за наследничката.
Жителката на Флорида открива дека нејзината мајка мислела дека името Марихуана Пепси ќе ја направи „светска позната“ и дека била во право.
Woman named ‘Marijuana Pepsi’ from birth doesn’t smoke weed or drink soda — but will never change her name https://t.co/MRhv0gBRtY pic.twitter.com/XSmPRq5gv4
— New York Post (@nypost) October 1, 2024
Медиумите не само што пишуваа за нејзиниот живот, туку и докторираше на темата за нејзиното име, пренесува New York Post.
Таа објаснува дека многу луѓе претпоставувале дека нејзината мајка Бренди Меги Џонсон се дрогирала или дека е во затвор.
„Тоа е целосно лажно. Таа ми избра име затоа што сакаше да бидам „сила во светот““.
Марихуана нагласува дека никогаш нема да го смени името, без оглед на лошите искуства во минатото.
„Слушнав како луѓето шпекулираат дали мајка ми била зависник од дрога. Некои и до ден денес го кажуваат тоа“.
Таа додава дека поединци сугерирале дека „не припаѓа во образовниот сектор“ поради нејзиното необично име, и покрај нејзините квалификации. Покрај тоа, таа била одбиена и на бројни апликации за работа.
„Го посветив животот на образованието. Секогаш велев дека ќе бидам д-р Марихуана Пепси. Некои луѓе ме оценуваат врз основа на моето име, но јас го дефинирам успехот според моите услови“.
Марихуана има докторат по високо образование, работи на колеџ во Балтимор и е основач на организацијата „Action as Empowerment Center for Change“.
Се исполнила како академик, но и како мајка. Го има синот Исак Соер (21), кој постојано ја испрашувал Марихуана за потеклото на нејзиното име.
