Маск доби син со Шивон Зилис, директорка во неговата компанија Неуралинк, со која веќе има три деца.
„Разговарав за ова со Илон и со оглед на роденденот на убавата Аркадија, сметаме дека е најдобро директно да споделиме информации за нашиот убав и неверојатен син Селдон Ликургус“, напиша Зилис на платформата X, без да открие кога се родил синот. Маск на нејзината објава реагираше со емоџи со срце.
Discussed with Elon and, in light of beautiful Arcadia’s birthday, we felt it was better to also just share directly about our wonderful and incredible son Seldon Lycurgus. Built like a juggernaut, with a solid heart of gold. Love him so much ♥️
— Shivon Zilis (@shivon) February 28, 2025
Зилис проговори две недели откако писателката и инфлуенсерка Ешли Ст. Клер објави дека неодамна и таа добила дете со Маск.
Таа рече дека пред пет месеци родила син, 13-то дете на Маск и дека планирала се да држи во тајност, но одлучила да ја објави веста откако дознала дека медиумите планираат да ја објават приказната.
Според неа, нејзината романтична врска со Маск започнала околу мај 2023 година, а интимната средба се случила во јануари минатата година, кога детето било зачнато. Детето наводно било родено во септември 2024 година. По раѓањето Сент Клер му испратила на Маск фотографија на која е со нејзиното новороденче, а тој наводно одговорил: „Со нетрпение очекувам да те видам со него овој викенд“.
Илон Маск е исто така татко на Вивијан, Грифин, Каи, Саксон, Демијан, X Æ A-12, Exe, Strider, Azure, Techno и уште едно дете кое е родено во 2024 година. Милијардерот првпат стана татко во 2002 година, кога неговата тогашна сопруга Џастин Вилсон го родила Александар Нева.
Парот тогаш ги имаше близнаците Вивијан и Грифин, кои сега имаат 21 година, и тројките Каи, Саксон и Демијан, кои имаат 18 години. Од врската со пејачката Грајмс, Маск има син со чудно име X Æ A-12, кој сега има четири години.
Тие се разделија во 2022 година, но имаа уште две деца - Екса Дарк Сидерел, кој има три години, и синот Техно Механикус, кој има две години.
Неколку недели пред Грајмс да ја роди нивната ќерка, Маск имаше уште две деца, близнаците Страјдер и Азур. Нивната мајка е Шивон Зилис, со која минатата година добија уште едно дете, чие име не ѝ е познато на јавноста. Сега со неа има син.
