Илјадници тони агресивни инвазивни алги од Југоисточна Азија се натрупуваат на плажите во Гибралтарскиот теснец и јужниот брег на Шпанија, што локалните екологисти го опишаа како голема закана за биодиверзитетот во регионот, објави денеска „Гардијан“.
Од мај, локалните власти во Кадиз отстранија 1.200 тони алги Rugulopteryx okamurae од Ла Калета, најпопуларната плажа во градот, при што 78 тони алги се отстранети само за еден ден.
„Целосно сме преплавени. Ова е еколошка катастрофа. Секогаш кога ветерот дува од запад, знаеме дека нè чека уште еден бран алги“, рече Хозе Карлос Теруел, кој е задолжен за плажите за градскиот
Како и многу други инвазивни морски видови, се смета дека алгите пристигнуваат во резервоарите на бродовите што минуваат низ Суецкиот канал, влегувајќи во Средоземното Море.
За нешто повеќе од една деценија, видовите алги го колонизираа Гибралтарскиот Проток, поголемиот дел од јужниот брег на Шпанија, Канарските Острови, Азорските Острови и, подалеку на север, Кантабриското Море и Баскиската Земја. Алгите имаат големо влијание врз локалната економија, првенствено врз туризмот во Кадиз и блиската Тарифа, град популарен кај сурферите, а исто така и врз риболовот со затнување на рибарските мрежи и јадици.
