Филис, 36-годишна мајка на четири деца, стана популарна на Инстаграм откако објасни зошто смета дека генерацијата бејби-бумери се најлоши баби и дедовци. Ова видео за само неколку дена собра повеќе од 1,1 милион прегледи и им се допадна на 27 илјади корисници на Инстаграм.
Во видео кое предизвика бројни реакции, Филис рече дека бумерите (родени помеѓу 1946 и 1964 година) честопати едвај чекаат да станат баби и дедовци, но кога тоа ќе се случи - се повлекуваат. Како што тврди таа, кога ќе ги замолите да ги причуваат своите внуци, дури и за кратко време, одговорите најчесто им се: „Тоа се твои деца“, „Најдете дадилка“ или „Не можам, имам куче“.
@motherphyllis Did you ask your sister before you asked me?? I swear boomers are the funniest grandparents #fyp #fypシ #foryoupage #fyppppppppppppppppppppppp #sahm #millennial #boomer #generations #funny #honest #truth #mom ♬ original sound - Phyllis
„Доаѓаат на пет минути, не одат на роденденските забави, не сакаат да помогнат... А, ние не ги молиме да ги одгледуваат нашите деца, туку за малку присуство“, порачала Филис.
Нејзиното видео наиде на одличен одѕив кај родителите милениумци кои се препознаа себеси во нејзините зборови. „Се согласувам целосно... оваа генерација баби и дедовци навистина не е заинтересирана“, напиша еден корисник. Друг додаде: „Бумерите дури и не нè одгледаа како што треба, а сега очекуваме да ни помогнат со внуците?“
Сепак, не беа сите критични: „Моите родители од генерацијата бумери ги обожаваат моите деца и прават сè за нив“, напишало едно лице.
Филис нагласува дека нејзината цел не е да предизвика конфликт меѓу генерациите, туку да поттикне разговор: „Сакам нашите деца да имаат однос со нивните баби и дедовци каков што го имавме ние“.
