Ајша Гадафи, единствената ќерка на поранешниот либиски диктатор Моамер Гадафи, со години е една од најенигматичните и најконтроверзните личности на светската политичка сцена. Родена во 1977 година во Триполи, Ајша пораснала во сенката на нејзиниот татко кој владеел со Либија повеќе од четири децении. Сепак, таа е надалеку позната по уште една работа - нејзиниот екстравагантно бизарен стол.
Фотографиите од внатрешноста на луксузната вила на Ајша Гадафи во Триполи, откако беше заробена од бунтовниците во 2011 година, станаа вирални низ светот. Сега веќе познатата златна сирена со човечки лик, за која се верува дека го претставува миленикот на Гадафи, дојде до израз. Скулптурата, која е и кревет, е симбол на екстравагантноста и личниот култ што го опкружуваше семејството на Гадафи.
Инаку, вилата содржела и голем затворен базен, но она што најмногу привлече внимание е бизарната златна сирена со лицето на Ајша, која служела и како декоративен мебел. Оваа статуа, со лице на жена, долга коса и опашка од сирена, стана вирална откако бунтовниците влегоа во замокот и ја фотографираа внатрешноста. Скулптурата беше протолкувана како симбол на личната митологија и мегаломанија на семејството Гадафи, но и разликата меѓу животот на либискиот народ и екстравагантниот луксуз на владејачката елита.
И кога веќе зборуваме за тоа - за разлика од многу жени во арапскиот свет во тоа време, Ајша имала пристап до врвно образование. Студирала право на Универзитетот во Париз, а подоцна била член на правниот тим кој го бранеше Садам Хусеин, поранешниот лидер на Ирак. Нејзината улога во меѓународните правни процеси предизвика поделени реакции - некои ја гледаа како борец за правда, додека други ја обвинија дека брани диктатор.
Титулата „Златна амазонка“
Во Либија беше позната заради нејзиниот гламурозен стил и впечатливите јавни настапи. Медиумите ѝ го дадоа прекарот „Златна амазонка“ алудирајќи на нејзиниот изглед, луксузниот начин на живот и близината со режимот на нејзиниот татко. Иако формално беше адвокат и хуманитарен работник, Ајша имаше силно политичко влијание, особено во периодот откако Либија ги отвори вратите кон Запад во раните 2000-ти.
Од друга страна, за време на либиската револуција во 2011 година, Ајша јавно го бранеше режимот на нејзиниот татко и повика на отпор. Откако НАТО започна воена интервенција и Гадафи беше убиен, членовите на семејството беа принудени да ја напуштат земјата. Ајша побегнала во Алжир, каде што заедно со нејзината мајка и браќата добила азил.
Животот во егзил
По бегството од Либија, Ајша се повлече од очите на јавноста. Во меѓувреме, таа беше предмет на меѓународни санкции, кои подоцна беа делумно ублажени. Се шпекулираше дека живее во Оман, каде што наводно води мирен семеен живот, далеку од очите на јавноста. Меѓутоа, одвреме-навреме во арапските медиуми се појавуваат вести за нејзините обиди за политички ангажирање или дури и враќање во Либија, што предизвикува многу бурни реакции.
Долго време немаше ни трага ни глас од ќерката на Гадафи. Меѓутоа, во октомври минатата година таа ненадејно се појави во Москва, предизвикувајќи голем медиумски интерес. Таа присуствуваше на отворањето на изложбата на нејзините слики во Државниот музеј за ориентални уметности.
