Тужбата против Додик на Судот на БиХ е за непочитување на одлуките на Високиот претставник на меѓународната заедница, што претставува кривично дело со казна до пет години затвор.
Седницата на Народното собрание беше свикана од претседателот Ненад Стевандиќ синоќа, додека се чека рочиштето закажано за 30 декември. Стевандиќ и другите водечки личности од владејачката коалиција побараа Додик и директорот на „Службени гласник“ на РС, Милош Лукиќ, да не се појават на рочиштето додека претседателот не се опорави.
Во заклучоците, кои добија поддршка од претседателката на Претседателството на БиХ, Жељка Цвијановиќ, се тврди дека високиот претставник нема право да наметнува закони.
Обвинителството на БиХ реагираше уште во понеделникот, по најавата за вонредната седница, и побара од Стевандиќ информации за планираните заклучоци. Главниот државен обвинител, Миланко Кајганиќ, во дописот нагласи дека ова барање е поради сомнеж за кривично дело напад врз уставниот поредок на БиХ, како и подготовка на други кривични дела.
Собранието, исто така, донесе заклучок со кој побара од функционерите од РС да ги прекинат активностите во донесувањето одлуки на ниво на БиХ додека „ЕУ не обезбеди фер услови и стандарди за судење во БиХ“.
