По средбата со министерот за одбрана на Босна и Херцеговина, Зукан Хелез, највисокиот офицер на чело на мисијата на ЕУФОР во Босна и Херцеговина рече дека „ЕУФОР внимателно ја следи ситуацијата во БиХ и дека нема индикации или конкретни дејствија кои би го загрозиле мирот во земјата“.

Тој додаде дека ЕУФОР има доволно војници распоредени во БиХ, вклучително и резервни сили подготвени за брза реакција. „Нашето присуство обезбедува стабилност и безбедност во цела БиХ“, рече Барбу.

Според достапните информации, мисијата ЕУФОР во Босна и Херцеговина моментално има околу 1.500 војници од 22 земји, вклучително и членки на Европската унија и други земји кои придонесуваат за силите. Овие сили се распоредени во неколку градови низ земјата, со главен штаб во кампот Бутмир во Сараево.

Во последните денови, пред првостепената пресуда против водачот на босанските Срби, Милорад Додик, патролите на ЕУФОР беа видливи во поголемиот дел од земјата, особено во Република Српска.

Таму вечерва пристигнува и српскиот претседател Александар Вучиќ, кој денеска е поканет да го посети Додик, јави Радио телевизија на Република Српска, која е блиска до владејачките структури.

Во текот на вечерта се очекува да биде донесена и одлука за забрана за работа на државните правосудни и безбедносни агенции.

Продолжуваат да беснеат реакциите во БиХ за првостепената пресуда против Милорад Додик, кој беше осуден на една година затвор и шестгодишна забрана да ја извршува функцијата претседател на Република Српска.

Лидерот на најголемата опозициска Српска демократска партија, Милан Миличевиќ, кој често е мета на јавни осуди на Додик, изјави дека оваа партија „не ја поддржува пресудата против претседателот на РС за исполнување на неговите уставни обврски“.

-Милорад Додик треба да одговара за криминалот, корупцијата и демографскиот и економскиот колапс на РС, рече Миличевиќ.

Лидерот на владејачката СДП БиХ и премиер на Федерацијата БиХ, Нермин Никшиќ повика на зачувување на мирот и почитување на одлуките на институциите на Босна и Херцеговина. /МИА

По пресудата на Додик се огласи командантот на европските сили во Босна и Херцеговина

Народно собрание на Република Српска: Судот на БиХ изврши државен удар со пресудата за Додик

Промена на сопственичките удели на „Гаспром“ и „Гаспромњефт“ во Нафтената индустрија на Србија

ПРОФИЛ