Претседателката на Народното собрание, Ана Брнабиќ, денес изјави дека лидерот на партијата „Српски центар“ (СЦЦЕ), Здравко Понош, лажел кога изјавил дека средбата меѓу српскиот претседател Александар Вучиќ и американскиот претседател Доналд Трамп не била планирана за време на престојот на Вучиќ во САД, пренесе Телеграф.
Таа на социјалните мрежи сподели објава од „The National Independent“, во која се наведува дека Вучиќ и Трамп требало да се сретнат во Мар-а-Лаго во Флорида.
„Еве колку непланирана беше средбата меѓу претседателот Вучиќ и претседателот Трамп.“
„Колку патетичен мора да си за да лажеш како Понош за вакви работи. И ова покажува колку сериозно е нарушено здравјето на претседателот Вучиќ и колку е нечовечно сè што прават сите оние кои со нетрпение го очекуваат ова. Засекогаш со Александар Вучиќ. „Србија ќе победи“, напиша Брнабиќ на мрежата X.
Ево колико није био планиран састанак између председника Вучића и председника Трампа. Колико јадан мораш да будеш да лажеш као Понош око оваквих ствари. И ово говори колико је озбиљно нарушено здравље председнику @avucic и колико је нељудски све што раде сви они које се овоме… https://t.co/Bbbn0XAWoy
— Ana Brnabic (@anabrnabic) May 3, 2025
Српскиот претседател Александар Вучиќ ненадејно се разболе за време на посетата на САД, по што побара лекарска помош и по прегледите одлучи да се врати во Србија и веќе е во ВМА во Белград. Затоа, претседателот на Србија не можеше да се појави на главните настани за кои дојде во Америка.
