„Сигурен сум дека ќе го средиме тоа во наредните недели. Ќе го средиме затоа што би било апсолутно лудо да не се направи“, рече Џонсон, сигнализирајќи дека Лондон ќе инвестира во францускиот проект ЕДФ.
Инвестирањето во нуклеарната енергија се совпадна со напорите на Велика Британија да ги задоволи енергетските потреби што е можно повеќе од домашно производство, со оглед на силниот раст на цените на енергијата, но и за намалување на емисијата на штетни гасови.
Британија допрва треба да ги заинтересира приватните инвеститори во нуклеарната централа Сајзвел Ц. Францускиот ЕДФ соопшти дека централата би можела да чини 20 отсто помалку од нејзината нуклеарна централа Хинкли Поинт Ц, која во моментов се проценува дека чини 25 до 26 милијарди фунти.
Поголемото производство на електрична енергија во нуклеарните централи долгорочно би ја намалило зависноста на Британија од природен гас, што сочинувало околу 45 отсто од вкупното производство во 2021 година. Владата ќе одвои пари за Сајзвел од резервираните 1,7 милијарди буџетски фунти за да го започне големиот со нуклеарна енергија.
Нуклеарната централа Сајзвел Ц би требало да почне со работа за неколку години. Нуклеарната централа „Хинкли Поинт Ц“ постојано ги пробивала роковите, но и финансиската конструкција, со дополнителни трошоци кои биле измерени во милијарди фунти.
Во моментов се очекува Хинкли да започне со работа во 2027 година, десет години подоцна од првично ветеното.
