Вирџинија Џуфре објави на Инстаграм дека била во автомобил во кој удрил школски автобус „со 110 км/ч додека ние успорувавме за кривина“.
"Имав откажување на бубрезите, ми дадоа уште четири дена живот, ме префрлаат во специјализирана болница за урологија. Подготвена сум да одам дома, само сакам да ги видам моите деца уште еднаш, но знаете што велат за желбите. Какајте во едната рака, а во другата желба, на крајот од денот нема да имате ништо друго освен сра*е", додаде Џуфре.
Таа го тужеше принцот Ендру за сексуален напад во август 2021 година. Тврдеше дека Ендру имал сексуални односи со неа кога имала 17 години, што, како што рече, му го овозможил неговиот пријател, милијардер и педофил Џефри Епштајн.
Принцот Ендру во неколку наврати ги отфрли обвинувањата и против него не е поднесена кривична пријава.
Во март 2022 година, беше објавено дека Џуфре и Ендру постигнале вонсудска спогодба - се верува дека вклучила „значајна донација за фондацијата на Вирџинија Џуфре за поддршка на правата на жртвите“.
Во судските документи се наведува дека „Принцот Ендру никогаш немал намера јавно да ја клевети Џуфре и прифаќа дека таа претрпела и како жртва на злоупотреба и како жртва на неправедна јавна критика“.
Што вели таа во интервјуата?
Во интервјуто што го даде во 2019 година, таа рече дека отпатувала во Лондон за да има секс со принцот и дека имале сексуални односи уште два пати кога тој бил во САД. Во едно интервју таа изјави дека една вечер ѝ наредиле да танцува со принцот, а потоа го имале првиот сексуален однос.
"Не траеше долго, колку што се сеќавам. Беше одвратно. Брзо заврши, стана и ми се заблагодари. Останав на креветот, засрамена. Се почувствував валкано и веднаш отидов да се истуширам", рекла таа.
Џуфре завршила во куќата на Џефри Епштајн откако била регрутирана од Гислајн Максвел, ветувајќи ѝ дека Епштајн ќе ѝ помогне да учи за да стане масерка. Вирџинија, вели таа, завршила во челустите на педофилите кога имала 16 години, додавајќи дека тогаш немала заштита од семејството. Таа рече дека Епштајн сексуално ја експлоатирал, ја силувал и ја подведувал кај неговите моќни пријатели, вклучувајќи го и принцот.
Таа рече дека избегала од пеколот откако ги убедила Епштајн и Максвел да ја испратат во Тајланд за да научи тајландска масажа. Таму го запознала нејзиниот сегашен сопруг, кој брзо ѝ предложил брак и тие се преселиле во Австралија.
Вирџинија Џуфре додала дека одлучила да оди на Тајланд откако Максвел ѝ предложил да го роди детето и да ѝ го додели старателството на неа и на Епштајн.
