Геолошки институт на САД потврди дека опасноста од цунами поминала
„Врз основа на сите достапни податоци, опасноста од цунами од овој земјотрес сега помина“, соопшти Геолошкиот институт на САД.
Но, локалните власти се уште не го повлекле своето предупредување.
Веднаш по објавување на предупредувањето за цунами, илјадници луѓе побрзаа кон местата на повисока надморска височина, а големи колоно возила се упатија што подалеку од морскиот брег.
Претходно, камерите го снимија моментот кога разорен земјотрес со јачина од 7,5 степени според Рихтеровата скала ги погоди Филипините, предизвикувајќи предупредување за цунами.
the water already recede in Cagwait Surigao Del Sur. #Tsunami #SurigaodelSur #EarthquakePH pic.twitter.com/NYesKX9I4N
— Baddie ft. HolyMoly ✨Sheesh💖🐰🐇👑🍒✨💯 (@Patty232molowe) December 2, 2023
При тој прв удар, кој беше регистриран на длабочина од само десет километри, сѐ почна да се тресе.
Граѓаните велат дека земјотресот бил долг и исклучително силен. Во некои делови од земјата снемало струја, а се уште се чекаат информации за штети и можни жртви.
🚨ALERT - A Massive 7.6 Magnitude Earthquake Just Hit Off The Coast of Philippines Not Far From Japan ⚠️
— Matt Wallace (@MattWallace888) December 2, 2023
❗️WE COULD BE ABOUT TO SEE A MAJOR TSUNAMI❗️ pic.twitter.com/F0L7M8yVlI
Сега на социјалните мрежи кружат бројни видеа од тоа како изгледал моментот на земјотресот.
Едно видео покажува група млади луѓе кои играат одбојка во спортска сала, кога сè околу нив почнува да се урива.
Второто видео кое го привлече вниманието на многумина, а чија автентичност не успеавме да ја потврдиме, покажува како изгледал моментот на земјотресот во луксузен стан.
Имено, снимена е полна када која чекала некој да се капе во неа. Меѓутоа, кога почнал земјотресот, водата во кадата се бранувала до тој степен што сè почнало да се прелева.
Philippines was shaken near Bislig City, Surigao del Sur, Caraga, by an earthquake of magnitude 7.8.
— Gautam Varma (@IamGautamVarma) December 2, 2023
Power can be see by water spilling out of tub. #EarthquakePH #earthquake #Philippines pic.twitter.com/hJU8voywOE
По овој најсилен, разорен удар, следеа серија послаби, но многу силни земјотреси, од кои најсилниот беше 6,6 степени според Рихтеровата скала.
