-На еден или друг начин, мора да обезбедиме заштита на нашите граѓани, рече шефот на државата. Тој додаде дека се подготвени нацрт-договори за финансирање на производството на оружје со Данска и други партнери.
Застојот во воената помош од САД е поврзан со загриженоста во Вашингтон за намалувањето на залихите на оружје од САД, забележува ДПА.
Агенцијата потсетува дека вчера украинското Министерство за надворешни работи го повика заменик-шефот на дипломатската мисија на САД во Киев, Џон Гинкл, за да разговара со него за делумното замрзнување на испораките на оружје од САД, кое беше одобрено од претходникот на Доналд Трамп во претседателството, Џо Бајден.
Во меѓувреме, Зеленски напиша на социјалната платформа „Х“ дека за време на состанокот со претставници на американски компании кои се членки на Американската стопанска комора, јасно ставил до знаење дека Украина се потпира на нив.
-Американското оружје го штити не само украинскиот народ, туку и странските бизниси во нашата земја, рече Зеленски.
