<span lang="MK" style="mso-ansi-language:MK">Украинскиот
претседател Володимир Зеленски рече дека повеќе не ги ни брои обидите за
атентат. Тој ги спореди со инфекцијата на ковид-19. Рече дека најмалку пет или
шест обиди за атентат биле спречени од украинските разузнавачки служби.</span>
<span lang="MK" style="mso-ansi-language:MK">„Првиот (обид за
атентат) е многу интересен, бидејќи е прв пат, а после тоа е исто како со
ковидот“, рече тој во интервју за британски „Сан“. „Првиот обид со себе донесе
паника“, додаде тој.</span>
<span lang="MK" style="mso-ansi-language:MK">„Прво, луѓето не
знаат што да прават со тоа и изгледа многу страшно. А потоа, тоа се само
разузнавачки податоци во кои тие ви даваат детали дека друга група дошла во
Украина да го проба тоа“, рече Зеленски.</span>
<span lang="MK" style="mso-ansi-language:MK">Добро позната
приказна е дека руските специјални сили паднале со падобран во Киев на првиот
ден од инвазијата на Путин минатата година, наводно за да го убијат Зеленски.
Телохранителите на украинскиот претседател ја запечатија неговата канцеларија
со импровизирани барикади и парчиња иверица.</span>
<span lang="MK" style="mso-ansi-language:MK">Но, кога
британските и американските функционери понудија да го однесат претседателот
надвор од главниот град поради стравувањата дека може да падне за неколку часа,
тој одговори со добро познатата реплика: „Ми треба муниција, а не транспорт“.</span>
<span lang="MK" style="mso-ansi-language:MK">Подоцна, додека
беснееја битки околу Киев, Зеленски излезе надвор од комплексот за да направи
пркосно селфи видео кое го собра отпорот на Украина докажувајќи дека се уште е
во главниот град.</span>
<span lang="MK" style="mso-ansi-language:MK">„Сè уште многу
сакаат да ме соборат од власт, го знам и кодното име на операцијата“</span>
<span lang="MK" style="mso-ansi-language:MK">Речиси две години
подоцна, Зеленски рече дека Русија сè уште „многу сака“ да го собори од власт.
Тој рече дека го знае дури и кодното име на нивната најнова мисија за негово
соборување, која треба да се случи на крајот на годината.</span>
<span lang="MK" style="mso-ansi-language:MK">„Името на
операцијата е Мајдан 3. Намерата е да се смени претседателот, но можеби не со
убивање. Мислам, се менува. Ќе користат какви и да имаат инструменти. Значи,
тоа е идејата, до крајот на годината. Дури и ја именуваа операцијата. Но,
гледате дека можеме да живееме со тоа“, додаде тој.</span>
<span lang="MK" style="mso-ansi-language:MK">Ништо од изборите
следната година</span>
<span lang="MK" style="mso-ansi-language:MK">Зеленски ја
отфрли можноста за одржување избори следната година, инсистирајќи дека тоа е
незаконски според вонредната состојба, невозможно поради војната и ќе ја подели
земјата кога луѓето се фокусирани на борбата против Русија.</span>
<span lang="MK" style="mso-ansi-language:MK">Во август,
украинската разузнавачка служба – СБУ – соопшти дека спречила заговор Русите да
го убијат Зеленски во воздушен напад врз јужниот град Миколаев. СБУ објави дека
уапсила жена обвинета за соработка во обидот за атентат.</span>
<span lang="MK" style="mso-ansi-language:MK">Еден од
помошниците на Зеленски изјави дека во првите неколку недели од војната биле
направени најмалку десетина обиди за негово убиство.</span>
<span lang="MK" style="mso-ansi-language:MK">Но, кога „Сан“ го
праша колку точно обиди за атентат преживеал, тој рече: „Навистина не знам“.</span>
