Во говорот пред пратениците во Киев, Зеленски рече дека Украина има скапоцени ресурси „вредни трилиони американски долари“, вклучувајќи ураниум, титаниум, литиум и графит.
Суровините или ќе паднат во рацете на Русија и нејзините сојузници, или ќе останат со Украина и демократскиот свет, рече тој, пренесува ДПА.
Тој вети и дека по завршувањето на војната Украина ќе го искористи своето воено искуство за да ја обезбеди безбедноста на Европа и НАТО.
Нејзините војници дури би можеле да ги заменат американските трупи во Европа, додаде Зеленски.
Украина се брани од руската инвазија со помош на Западот повеќе од две години. /МИА
