За време на рацијата уапсени се осум лица, меѓу кои и шеф на шпанска компанија чие име не се споменува во соопштението, како и уште две лица, меѓу кои и шефот на мрежата во Парагвај, соопшти полицијата, пренесува Фигаро.
Акцијата е резултат на меѓународна истрага покрената минатата година, чија цел била шпанска компанија која увезувала ориз од Парагвај.
Spain: Ten arrested and more than 4 tons of cocaine, hidden in bags of rice, were seized in the port of Barcelona.
— EPIA Security News (@EuropeanPIA) July 26, 2024
pic.twitter.com/zOLrPPfUaY
Криминалната мрежа имала операции во главниот град на Парагвај, Асунсион, каде дрогата била спакувана во пластични кеси, а потоа во вреќи со ориз.
Според шпанската полиција, која прецизира дека дејствувала во соработка со парагвајската полиција и американската Федерална агенција за борба против дрогата (ДЕА), мрежата извезувала дрога и во други европски пристаништа.
Во март во Саутемптон, Велика Британија беа запленети 2,1 тони кокаин увезен од истата организација, додека во октомври во Парагвај била пресретната пратка од 3,3 тони кокаин наменета за Белгија.
