„Во напад на руските сили на 12 октомври загинаа двајца жители на областа Доњецк: во Курахивка и Улакла, а уште 11 лица беа ранети во текот на денот“, се вели во соопштението на Филашкин, пренесува Ункринформ, наведувајќи дека вкупниот број жртви во регионот Доњецк е даден без податоци од Мариупол и Волнова.
Во руските напади во областа Херсон вчера беа повредени три лица, а украинската агенција наведува дека од почетокот на неделата спасувачите евакуирале 12 лица од Доњецката област во близина на гранатираниот Покровск, од кои двајца се инвалиди.
Нешто по полноќ на 13 октомври, одбранбените сили на Украина соборија 31 руски напад со беспилотно летало, објави Командата на воздухопловните сили на Украина на Фејсбук.
Русија синоќа лансираше вкупно 68 беспилотни летала и четири ракети, две балистички ракети „Искандер-М“ кои ги погодија регионите Полтава и Одеса, како и две наведувани ракети „Х-59“ кои беа насочени кон Чернихив и област Суми, соопштија украинските воздухопловни сили.
