Израел на почетокот на март ја блокираше хуманитарната помош за Појасот Газа, која беше делумно укината кон крајот на мај, што доведе до голем недостиг на храна, лекови и друго.
Хуманитарната фондација Газа, невладина организација поддржана од Вашингтон и Израел почна да дистрибуира помош кон крајот на мај, но нејзините испораки беа проследени со хаотични и смртоносни сцени. Агенциите на ОН, исто така, доставуваат помош.
Според Министерството за здравство на Хамас, од крајот на мај, 397 луѓе се убиени, а повеќе од 3.000 се повредени додека се обидувале да стигнат до местата за дистрибуција на помош во Појасот Газа.
