По првите израелски напади на 13 јуни, „22 лица се идентификувани и уапсени, обвинети за поврзаност со шпионските служби на ционистичкиот режим и за нарушување на јавното мислење“, изјави шефот на полициската разузнавачка служба во централната покраина Иран.
Во четврток, командантот на полицијата во западниот дел на Техеран, Киумарс Азизи, објави апсење на 24 лица „кои шпионирале за ционистичкиот непријател онлајн и офлајн и се обиделе да го вознемират јавното мислење и да го оцрнат имиџот на светиот систем на Исламската Република Иран“.
Вчера, истата агенција објави апсење на европски државјанин, претставен како „шпион“, без да ја наведе неговата националност или датумот на апсењето.
Иран редовно апси луѓе што ги смета за шпиони, а дури и пред почетокот на конфликтот, го обвини Израел дека стои зад целните убиства и саботажи во врска со неговата нуклеарна програма. Во последните недели, Иран, исто така, егзекутираше неколку лица обвинети за шпионажа за Израел.
