Децата, на возраст од 2, 3, 4 и 7 години, биле сами, без надзор и без вклучена клима. Термометарот на автомобилот покажал 51 степен Целзиусов. Полицијата брзо реагираше откако се јавил сведок, го скршиле прозорецот и ги извлекле децата од возилото.
Според официјалните извештаи, децата во прегреаниот автомобил биле дехидрирани, испотени, со црвена кожа и опасно висока телесна температура од речиси 40 степени.
Додека полицајците се бореле за здравјето и безбедноста на децата, нивниот татко, 38-годишниот Асенсио Ларго, беше во блискиот секс-шоп што полицијата го опиша како „еротска аркада со заеднички простори за разгледување и приватни сепареи“, објавува Билд.
Кога постојано прашуваа во продавницата чиј е автомобилот, никој не одговорил. Подоцна, откако ја напушти продавницата, Ларго се обидел да негира дека возилото е негово. Полицајците се посомневале дека е под дејство на алкохол и веднаш го уапсиле.
Децата биле итно однесени во болница за понатамошно набљудување. Брзата интервенција на минувачите и полицијата најверојатно им го спасила животот.
Таткото бил изведен на суд, каде што бил прогласен за виновен за сериозно неодговорно однесување. Судијата во образложението на пресудата навел:
„Можевте да излезете од таа продавница и да најдете автомобил полн со мртви деца, тоа е доста шокантно.“
Му е одредена кауција во износ од 5.000 долари (околу 4.300 евра).
На таткото му е забрането да им се приближува на децата, кои моментално се под старателство на нивната мајка.
