Тлото во меѓувреме не мирува, а по катастрофалниот земјотрес од 7,7 степени регистрирани се низа на помали потреси. Главниот град на државата е разурнат до непрепознавање, цели облакодери се срамнети до земја, а многу од мостовите се избришани од картата на градот. Военото раководство во оваа азиска земја прогласи вонредна состојба во шест региони, а локалното население стравува за хуманитарна криза.
„Ноќта ја минавме на отворено небо, но не спиевме убаво, имаше последователни потреси на секои два до три часа. Не можевме ниту да спиеме ниту да јадеме. Постојано пијам вода и се чувствувам исцрпено. Не можеме да очекуваме дека ќе ги обновиме нашите животи како порано, не под овие околности. Ќе бидеме изложени на сиромаштија, ништо не ни остана, ниту дали за храна.“- Жителка на Мјанмар
Последните потреси продолжија да се чувствуваат во Мандалеј во текот на викендот, поради што жителите во неколку наврати панично бегаа на улиците. Иако надежите за преживеани под урнатините се намалуваат, а најгопем дел од жителите ноќта ја минаа под ведро небо, чудо ги израдува спасувачите кога жена беше извадена жива по 60 часа минати под урнатините на еден хотел. Меѓу време продолжуваат спасувачките напори за 75-темина градежни работници под урнатините на облакодер во главниот град, а според оценката на Гувернерот, сѐ уште има надеж да се најдат преживеани.
„Се стаписавме кога ја видовме ситуацијата во Мандалеј. Сè беше исчезнато, луѓето се уште се заробени, жртвите се уште се бројат. Ги мобилизираме нашите ресурси што е можно повеќе и праќаме повеќе тимови таму, бидејќи состојбата на патот бара повеќе екипи заради пристап до нулта точката.“- Су Мон Хтај
Условите за спасувачката акција се дополнително отежнати и поради високите температури кои се очекува да достигнат и до 40 степени целзиусови... во меѓувреме, од СЗО соопштија дека прогласуваат највисоко ниво на вонредна состојба. Причината за тоа како што велат од таму е бидејќи илјадници луѓе кои се повредени се изложени на висок ризик на инфекции. Од организацијата апелираа и дека итно се неопходни 8 милиони долари за да се обезбеди грижа за повредените и да се спречи појава на болести. Покрај во Мјанмар, ситуацијата е сериозна и во Тајланд каде иако штетата е помала, сепак властите стравуваат од нови потреси.
