Според властите, Лариса Тале Леонсио Родригез, која била инструкторка по пилатес во Бразил, дознала за неверството на нејзиниот сопруг и била пронајдена мртва на 22 март, објави Си-Ен-Ен.
Нејзиниот сопруг, Луиз Антонио Гарника, и неговата мајка, Елизабет Арабака, се уапсени во врска со случајот и обвинети за убиство по труење. Според полицијата, повикувајќи се на резултатите од токсикологијата, 37-годишната жена починала од труење со пестициди што ѝ ги давала нејзината свекрва.
Сомневањата на полицијата беа предизвикани, меѓу другото, и од однесувањето на нејзиниот сопруг. Имено, тој го пронашол телото на неговата сопруга веќе вкочането, а потоа решил да го исчисти местото на злосторството „како да се обидува да ги уништи доказите“.
Според обвинението, сопругот тврдел дека на 22 март дошол дома и ја повикал сопругата, но дека таа не му се јавила. Како што вели, ја барал низ куќата и конечно ја пронашол во бањата, но во несвест.
Тој исто така тврдеше дека, како хирург, ја кренал Лариса од подот и ја префрлил во нивниот кревет за да ѝ пружи прва помош. Кога тоа не успеало, тој ги повикал службите за итни случаи. Сомневањата на полицијата беа дополнително зајакнати со наодите од обдукцијата, кои покажаа оштетување на белите дробови и срцето на жртвата, како и „пенести габи“ - медицински термин за пената што обично се појавува околу ноздрите и устата на луѓето што починале од задушување.
Клучниот доказ за апсењето на сопругот и свекрвата беше токсиколошката анализа која покажала траги од олово во телото на жртвата.
Свекрвата била последната личност што ја видела снаата жива, и како што покажала истрагата, таа се јавила на пријател земјоделец за да го праша дали има пестициди.
Кога ѝ рекол дека нема, таа го замолила да препорача некого од кого би можела да го набави, но тој не ѝ дал никакви информации.
Полицијата, исто така, пронашла сведок кој изјавил дека свекрвата ја замолила да купи отров околу 15 дена пред смртта на нејзината снаа. Полицијата сега истражува како таа дошла до смртоносната супстанца, како и нејзините мотиви, со индиции дека жртвата била труена со денови.
„Постојат индикации дека ѝ бил даден отров во текот на целата недела пред да биде пронајдена мртва, бидејќи им кажувала на пријателите дека секој пат кога нејзината свекрва ќе ја напуштала куќата, имала гадење и дијареја“, изјавил портпаролот на полицијата.
„Таа имаше некои симптоми, за кои сега разбираме дека веќе беа знаци на труење“, додаде тој.
