Штајнмаер треба да се сретне со латвискиот претседател Едгарс Ринкевич и премиерката Евика Силиња, а разговорите ќе се фокусираат на безбедносната ситуација во регионот во услови на руската војна во Украина, јави ДПА.
Германскиот претседател ја посети Литванија во неделата за прославата на националниот ден на земјата, каде што понуди поддршка за Вилнус во нејзината одбрана од руската закана.
Балтичките држави - Латвија, Литванија и Естонија - стравуваат дека би можеле да станат следните жртви на империјалистичките цели на рускиот претседател Владимир Путин.
Трите земји се членки и на Европската Унија и на НАТО.
Заедно со својот латвиски колега, Штајнмаер треба да го посети Брауншвајг, германска корвета која моментално е закотвена во пристаништето во Рига, каде што учествува во вежбата „Балтички операции“ предводена од САД.
