„Овие платформи го нарушуваат менталното здравје, достоинството и правата на нашите деца“, напиша тој на својот „X“ профил. „Државата не може да го дозволи ова. Неказнувањето на овие гиганти мора да заврши.“
Hoy, el Consejo de Ministros invocará el artículo 8 del Estatuto Orgánico del Ministerio Fiscal para pedirle que investigue los delitos que X, Meta y TikTok podrían estar cometiendo por la creación y difusión de pornografía infantil mediante sus IA.
— Pedro Sánchez (@sanchezcastejon) February 17, 2026
Estas plataformas están…
Мерки за заштита на децата на интернет
Порано овој месец, Санчез објави неколку мерки насочени кон борба против онлајн злоупотребата и заштитата на децата, вклучително и забрана за лица под 16 години за пристап на социјалните медиуми и преземање правни мерки против раководителите на социјалните медиуми.
Сопственикот на „X“,милијардерот Елон Маск, одговори нарекувајќи го „тиранин и предавник на шпанскиот народ“.
Шпанијата одлучи да истражи и да го ограничи користењето на мрежите откако Австралија стана првата во светот што ги забрани социјалните мрежи за лица под 16 години во декември.
Истраги низ цела Европа
Европската комисија, извршното тело на Европската Унија, отвори истрага за „Meta“, „TikTok“ и вештачката интелигенција „Grok“.
Ирска отвори сопствена истрага за „Grok“ за користење лични податоци што би можеле да се користат за креирање сексуална содржина, вклучително и содржина на деца.
Франција го истражува „Х“ за генерирање сексуални „дипфејкс“, форма на вештачка интелигенција што создава убедливи, но лажни видеа, слики или аудио снимки.
Минатата недела, Португалија започна со воведување ограничувања за користење на социјалните мрежи за лица под 16 години.
Шпанската министерка за млади и деца, Сира Рего, во вторник преку социјалната мрежа „Bluesky“, нагласи дека левичарската влада на Шпанија презема уште еден чекор во обезбедувањето на правата на децата на социјалните мрежи.
Таа потсети дека во јануари побарале од Државното обвинителство да истражи дали „Х“ извршил кривични дела поврзани со детска порнографија и истакна дека „денес на владина седница го активираа Член 8 од Статутот на Државното обвинителство за истрага на големи платформи“.
