„Сегашната германска владејачка елита создава услови за влошување на ситуацијата и започнување конфликт меѓу нашите земји“, рече Володин во порака до лидерите на најголемите германски парламентарни партии.
Мерц му се заблагодарува на Вашингтон за ослободувањето од нацизмот
„Прашањето е дали и германскиот народ сака таков конфликт. Ние не го сакаме. Но, ако дојде до него, ќе бидеме подготвени“, рече Володин, зборувајќи за сè посилната поддршка на Берлин за Киев. Шефот на рускиот парламент предупреди дека германската влада планира да воспостави производство на ракети во Украина, „што значи дека Германија е сè повеќе вовлечена во воени дејствија против Русија“.
„Разбирате каде може да доведе ова“, продолжи Володин, осврнувајќи се на Втората светска војна. Рускиот политичар беше поттикнат на оваа порака од изјавата на германскиот канцелар Фридрих Мерц, кој му се заблагодари на Вашингтон за ослободувањето од нацизмот за време на посетата на Соединетите Американски Држави.
Володин го прекорува новиот германски канцелар што не го споменал придонесот на Советскиот Сојуз во тоа ослободување. „Советскиот Сојуз го победи фашизмот и го ослободи светот од кафеавата чума“, рече лидерот на Думата.
