Соединетите Американски Држави воведоа нови санкции врз Куба, насочени кон десет субјекти, вклучувајќи членови на кубанската елита, мрежата за транспорт на сурова нафта, државни претпријатија одговорни за увоз и техничка поддршка и добавувачи на кубанската војска со седиште во Кина.
„Владејачката елита во Куба ги присвојува енергетските, транспортните и технолошките ресурси на островот за сопствено збогатување, оставајќи го кубанскиот народ да се соочи со прекини на електричната енергија, недостиг и економска стагнација. Марксистичкиот режим во Хавана се потпира на мрежа од државни претпријатија, заеднички вложувања и офшор посредници за да го одржи овој систем во функција“, изјави американскиот државен секретар Марко Рубио во соопштението, објави Ројтерс.
Како што оцени, Куба продолжува да служи како лансирна рампа за глобална коалиција од непријателски, антиамерикански актери кои се закануваат, шпионираат и заговараат против САД и нивните интереси.
The United States will not tolerate subversive communist networks in our hemisphere. The Marxist Cuban regime relies on a web of state-owned enterprises, joint ventures, and offshore intermediaries to keep its systems running, and its foreign backers supply the military equipment that helps sustain the regime’s military forces and enables persistent threats to the American homeland. Today, I'm sanctioning eight entities and two individuals associated with the regime’s financial and shipping network, state-owned import and technical-support entities, and China-based suppliers of the regime's military forces. https://t.co/qDWCDAMtO8
— Secretary Marco Rubio (@SecRubio) November 5, 2026
Рубио додаде дека Министерството за финансии на САД донело одлука со која се овластува воведување економски санкции врз секој странски субјект кој работи или работел во електрониката, производството, поморството и технологијата на кубанската економија.
