Во соопштението се наведува дека над Самара се соборени 20 украински дронови, а над Воронежската и Саратовската област по осум.
Се нагласува дека над Московскиот регион се соборени седум дронови, вклучувајќи пет што летале кон главниот град.
Исто така, се наведува дека шест украински дронови се соборени над Рјазанската и Ростовската област, три над Тулската област, два над Белгородската област и по еден над Курската, Калушката, Пензската и Тамбовската област.
Бројот на жртви во нападот со дронови врз Херсонската област ноќта меѓу 31 декември кон 1 јануари, се искачи на 27, меѓу кои и две малолетни лица, соопшти Истражниот комитет на Русија.
Според руските власти, истата ноќ, дронови нападнале кафетерија и хотел во Херсонската област на брегот на Црното Море, при што биле повредени 29 лица. Пожарот се проширил на површина од околу 500 квадратни метри.
Гувернерот на Херсонската област, Владимир Салдо, објави дека 2 и 3 јануари се прогласени за денови на жалост во регионот.
Русија вчера побара од Канцеларијата на Високиот комесар на Обединетите нации за човекови права јавно да го осуди, како што наведе, терористичкиот напад на украинските сили врз Херсонската област, објави постојаниот претставник на Русија во ОН во Женева, Генадиј Гатилов.
