Морнарите беа заробени на 7 јануари кога американски воен персонал се качи на танкерот во меѓународните води на Северниот Атлантик, потсети руското Министерство за транспорт, пренесува ТАСС.
Министерството нагласи дека, според Конвенцијата на ОН за правото на морето од 1982 година, слободата на пловидба важи на отворено море и ниедна држава нема право да употреби сила против бродови „прописно регистрирани во јурисдикцијата на друга држава“.
Американската администрација претходно изјави дека „Маринер“ е дел од таканаречената „флота во сенка“ на Венецуела и дека нелегално транспортирал нафта, кршејќи ги санкциите на САД, што можело да доведе до апсење на екипажот во САД.
