Путин: Западот ги користи човековите права за да го уништи суверенитетот на другите

21.11.2023
vesnik-fb-blue
vesnik-twitter-blue
Путин: Западот ги користи човековите права за да го уништи суверенитетот на другите

- Би сакал да нагласам дека актуелната хуманитарна криза е резултат на постојаните обиди на колективниот Запад да го уништи суверенитетот на другите и да обезбеди сопствена доминација, рече Путин на конференцијата во Москва по повод 75-годишнината од усвојувањето на Универзалната декларација за човекови права.

Тој додаде дека Русија останува посветена на човековите права и покрај двојните стандарди на Западот, кои ја принудија Москва да се откаже од членството во неколку меѓународни организации.

Според рускиот претседател, Советот за човекови права на Обединетите нации, Советот на Европа и другите меѓународни институции „покажале политичка предрасуда кон Русија од избувнувањето на конфликтот во Донбас и Новорусија“.

- Имајќи го предвид односот на Западот кон Русија, нашата земја беше принудена да се повлече од меѓународните организации, но продолжува да ги исполнува своите обврски во сферата на човековите права, рече Путин. 

© vesnik.com, правата за текстот се на редакцијата