Непознат напаѓач влегол во зградата на граничната патрола во долината Рио Гранде во близина на меѓународниот аеродром Мекален, Тексас, рано наутро по локално време, објавува CNN.
Тој бил застрелан и убиен, според извор кој разговарал со „Телемундо40“.
Човекот бил вооружен со пушка и носел тактичка опрема кога ги нападнал агентите на граничната патрола.
Сите летови на аеродромот Мекален се одложени поради инцидентот.
Вознемирувачките фотографии го покажуваат вооружениот човек мртов пред федералната зграда.
„Пукотницата се случила рано утрово во секторската станица во долината Рио Гранде“, се вели во соопштението на Царинската и гранична заштита на САД.
„Осомничениот е починат. Инцидентот е сè уште под истрага, а дополнителни информации ќе бидат објавени штом ќе станат достапни.“
