Еден од патниците во автобусот опишува што се случило:
„Спиев, појасот ми беше врзан и наеднаш се превртевме“, изјави Рамазан Дурмуш.
Се огласил и возач од автопатот, кого автобусот го престигнал непосредно пред да се преврти:
„Штом ме престигна, автобусот почна да оди лево-десно. Мислам дека возачот заспа, ги вклучив долгите светла и почнав да му свирам“, изјавил еден од возачите за „Хуриет“.
Aksaray'da feci otobüs kazası! Ölü ve yaralılar varhttps://t.co/ysCziSN3x7#Aksaray #SonDakika pic.twitter.com/5nxgAyXWC0
— Son Dakika 23 - Elazığ Haber (@sondakika23) October 18, 2024
Турските медиуми јавуваат дека несреќата се случила утринава околу седум часот на 25-от километар од автопатот од Аксарај кон Анкара, недалеку од селото Аџипинар.
Гувернерот на провинцијата Мехмет Али Кумбузоглу изјави дека туристичкиот автобус превезувал патници од западната провинција Баликесир до регионот Кападокија, популарна туристичка дестинација во централна Турција.
По превртувањето, автобусот ја пробил заштитната ограда на автопатот и застанал по околу 90 метри.
Во автобусот имало 41 патник, двајца возачи и еден туристички водич. Веднаш по несреќата на местото на трагедијата излегле голем број полициски патроли и противпожарни возила, додека итните служби ги префрлиле повредените во болницата во Аксарај.
Телата на починатите се пренесени во истата болница каде ќе биде извршена обдукција.
