Патролата веднаш реагирала и го запрела белиот „пасат“, нешто пред полноќ, откако неколку километри се движел во погрешна насока меѓу Отроковица и Кромјержиж.
На органите на редот прво не им било јасно дали 44-годишникот се изгубил или се обидел да најде краток пат, пренесува Билд.
Автомобилот бил запрен во близина на градот Хулин, а возачот бил алкотестиран. Направата покажала речиси три промили, соопшти полицијата.
„Ги замолуваме сведоците и учесниците во сообраќајот кои биле загрозени од возачот да се јават кај надлежните на бројот 158“, изјави портпаролот на полицијата Радомир Шишка.
На неименуваниот маж му се заканува казна затвор до една година поради возење во пијана состојба, а во секој случај нема да вози долго време.
