Изборите се одржуваат во услови на тензии како опозицијата ги бојкотираше претседателските избори во октомври, нарекувајќи ги „цивилен државен удар“.
Аласан Уатара (83) освои 89,8 проценти од гласовите, додека бизнисменот Жан-Луј Бијон беше втор со само 3,09 проценти. Убедливата победа на Уатара не е големо изненадување, бидејќи поранешниот претседател Лоран Гбагбо и поранешниот извршен директор на Кредит Свис, Тијан Тиам, ги повикаа своите поддржувачи да го бојкотираат гласањето откако им беше забрането да учествуваат во претседателската трка.
Излезноста на гласачите беше 50,1 процент, според изборната комисија.
Се очекува на денешните парламентарни избори владејачката партија на Уатара, РХДП (Унија на уфуетистите за демократија и мир), да се обиде да го задржи апсолутното мнозинство. Уфуетистите се политички следбеници на првиот претседател на Брегот на Слоновата Коска, Феликс Ует-Боањи.
Уатара првпат ја презеде претседателската функција во 2011 година, по апсењето на Лоран Гбагбо, кој одби да го признае поразот на изборите во 2010 година. Уатара првично беше ограничен на два претседателски мандати, но уставната реформа од 2016 година му дозволи повторно да се кандидира во 2020 година, на избори кои опозицијата ги бојкотираше.
