Освен во Техеран, по нападот на САД и Израел врз Иран, експлозии се слушнале и во други ирански градови, вклучувајќи ги Исфахан, Караџ, Ком, Керманшах, Илам, Тебриз и Бушер, пренесе бугарската БТА, повикувајќи се на повеќе светски агенции и на иранските медиуми, вклучувајќи го и Фарс.
Експлозиите продолжиле да го тресат и Техеран, при што телекомуникациските линии се прекинати на некои места, како и интернетот.
Експлозии ја потресле и областа околу аеродромот Мехрабад, еден од двата аеродрома во иранската престолнина, за кој иранските медиуми објавија дека очигледно бил цел.
Министерството за здравство на Иран соопшти дека болниците се во состојба на готовност, но засега не се објавува број на жртви или повредени.
Инаку, нападнат е и Бушер каде се наоѓа нуклеарна централа.
