Пожарот избувна од непозната причина и брзо се прошири.
Пожарот предизвика евакуација жителите, кои во паника бегаат пред огнената стихија..
Во пожар во регионот Измир, пламените јазици стигнаа до станбени области и беше пријавена материјална штета на куќите, додека граѓаните веќе се евакуираа. Општина Измир ги мобилизира сите свои сили, додека напорите за гаснење на големиот шумски пожар продолжуваат.
Силните ветрови значително ја отежнуваат работата на пожарникарите. Продолжуваат напорите за гаснење на пожарот, а екипите работат деноноќно за да спречат пламените јазици да стигнат до други станбени области, објави Хабер.
Пожарот, кој пожарникарите се обидуваат да го стават под контрола во близина на Аеронаутичкото техничко училиште и пикник-зоната Сарнич, го поремети воздушниот сообраќај во регионот.
Летовите од аеродромот Аднан Мендерес во Измир се откажани поради пожарот.
Иако голем број летови од аеродромот Аднан Мендерес се откажани, пријавени се и доцнења за други летови. Авиокомпаниите вложуваат големи напори да ги информираат патниците за моменталната состојба и да направат алтернативни аранжмани.
Пожарникарите продолжуваат да работат на ставање на пожарот под контрола и обезбедување на безбедноста на аеродромот.
На патниците им се советува да ги прегледаат своите планови за патување и да ги следат најновите информации на официјалните веб-страници на авиокомпаниите или преку информативните табли на аеродромот, објави Мирор.
