Околу 40 лица беа евакуирани во Монпелје, каде што поплавите предизвикаа затворање на многу патишта, додека пет департмани на југот на Франција, вклучувајќи го и Еро, денес се под портокалова временска тревога поради дожд и поплави.
„Во тек се безбедносни интервенции“, соопшти префектурата Еро, според телевизијата BFM.
Префектурата, исто така, соопшти дека градовите Монпелје, Сен Жак де Вед и Вилнев ле Маглон се најпогодени од невремето. Градот Монпелје, исто така, соопшти дека парковите, гробиштата, зоолошката градина и божиќниот пазар се затворени.
Сообраќајот во градот беше нарушен и неколку улици беа затворени. Околу 40 милиметри дожд наврнаа во Монпелје за еден час, а до 75 милиметри во последните шест часа.
Во долината Монпелје се очекуваат до 120 милиметри дожд во наредните часови.
Во неделата, општината Ларошет беше особено погодена, каде што реката се излеа од своите корита и достигна ниво од осум метри.
Реката Еро е исто така под портокалово временско предупредување за зголемување на нивото на водата, потсетува префектурата, предупредувајќи на претпазливост во секторот Агде, каде што постои висок ризик од прелевање.
Good afternoon everyone,
— Kernow Weather Team (@KWTWeather) December 22, 2025
While we’re enjoying a fairly calm, dry spell here (no umbrellas doing overtime for once), it’s a very different and much more serious story across parts of southern France.
In Montpellier, intense heavy to torrential rainfall has led to significant… pic.twitter.com/IiWPJNQUUQ
На населението му се препорачува да биде максимално претпазливо, а особено се препорачува да се држи подалеку од водните патишта, бреговите и мостовите, и да ги избегнува поплавените патишта, како и да не се спушта во подруми и подземни паркинзи и генерално да избегнува движење.
