Според најновиот извештај на HRANA, досега се убиени 466 лица, што е огромен скок во однос на претходно објавената бројка од 203, објави Скај Њуз.
HRANA се потпира на мрежа на активисти во Иран за да ги потврди информациите, а во претходните бранови немири во Исламската Република, нивните податоци постојано се потврдуваа како точни.
The #Iranian people are burning down the institutions of the Islamic Republic and mosques in Iran. We not only want the overthrow of the Islamic Republic, but even the overthrow of Islam in #Iran.@FoxNews @CNN pic.twitter.com/EAROZe7gxt
— Arash Hampay (@ahampay) January 9, 2026
Иранските безбедносни сили денес употребија солзавец и гумени куршуми против собраните на погребот на убиените демонстранти на гробиштата во Техеран, објави Иран Интернешнл.
Најмалку 109 припадници на иранските безбедносни сили се убиени во немирите
Најмалку 109 припадници на иранските безбедносни сили се убиени во немирите што зафатија неколку делови од земјата во последните денови, објави иранската новинска агенција Тасним.
Во извештајот не е наведено колку демонстранти се убиени.
Новинската агенција за активисти за човекови права (HRANA) со седиште во САД соопшти дека се убиени 116 лица, а повеќе од 2.600 се приведени.
Во исто време, лекар во Техеран за списанието „Тајм“, зборувајќи под услов на анонимност, изјави дека шест болници во главниот град регистрирале „најмалку 217 смртни случаи меѓу демонстрантите, повеќето од нив од боева муниција“.
