Министрите на ЕУ, исто така, се очекува да разговараат за реципрочни царини, како и за други мерки кои ќе бидат спроведени во случај напорите за преговори за решение со Вашингтон да не успеат.
Американската влада во саботата воведе универзални царини од минимум 10 отсто за увоз од речиси сите нејзини трговски партнери, откако Трамп претходно ги објави минатата недела.
Министрите на ЕУ ќе разговараат и за трговските односи со Кина, а комесарот за трговија на ЕУ Марош Шефчовиќ ќе ги информира за неговите неодамнешни разговори во Пекинг.
ЕУ со години се обидува да ја убеди Кина да ги прекине трговските практики, вклучително и субвенциите за кои блокот смета дека ја нарушуваат конкуренцијата, пренесе ДПА.
