Џонатан Кеј (52) е снимен како удира неименувана жена во Бруклин, каде, како што пишува Дејли Мејл, живее во куќа вредна четири милиони долари. Засега не е познато што го предизвикало конфликтот меѓу нив.
На видеото се гледа како Кеј ја удира по лицето, а жената од силината на ударот заврши на земја. Се слушаат минувачи како му велат дека е „се*ко“ и го пцујат, што накратко му го привлекува вниманието, по што заминува.
„Овој тип денеска ме удри со тупаница по лицето и ми го скрши носот, може ли некој да го најде?“, пишува во описот на видеото.
So why did your managing director Jonathan Kaye punch a black woman at Brooklyn Pride yesterday? https://t.co/XhGDv68zRR pic.twitter.com/2n8bK8JrEo
— sami (@hellosami) June 9, 2024
Портпаролот на банката во која работи Кеј потврдил за Дејли Мејл дека тој е личноста на видеото и дека е покрената истрага.
„Свесни сме дека еден од нашите вработени беше вклучен во сериозен инцидент во Бруклин на 8 јуни“, соопшти банката.
Полицијата засега не соопштува ништо.
