Соработката во областа на бизнисот, трговијата и инвестициите е дел од новото стратешко партнерство, се вели во заедничката изјава на лидерите на ЕУ и на претседателите на земјите учеснички, пренесе ДПА.
На самитот беа присутни лидерите на Узбекистан, Казахстан, Таџикистан, Туркменистан и Киргистан.
ЕУ објави инвестициска програма во износ од 12 милијарди евра (13,3 милијарди долари) за регионот.
- Во неизвесен свет, испраќаме јасна и моќна порака: Ние сме партнери по избор и можеме да се потпреме еден на друг, рече фон дер Лајен.
Одговарајќи на прашање како ЕУ може да ги одврати земјите од поголема соработка со Кина и Русија, Фон дер Лајен рече дека Русија долго време покажала дека не е доверлив партнер.
Таа, исто така, предупреди дека соработката со Кина има ризици кога условите се нејасни и Кина купува критични суровини за преработка назад во Кина.
Претседавачот на самитот, узбекистанскиот претседател Шавкат Мирзијоев рече дека „самитот ќе резултира со историска одлука за воспоставување стратешко партнерство меѓу Централна Азија и ЕУ“. /МИА
