Седуммина гости на свадбата се повредени во експлозијата во главниот град Исламабад, објави Скај Њуз.
Полицијата денеска соопшти дека експлозијата се случила додека гостите спиеле во куќата, што предизвикало уривање на дел од зградата.
Полициските службеници изјавија дека експлозијата, која сега ја истражуваат, оштетила и некои блиски домови.
Многу пакистански домаќинства се потпираат на боци со течен нафтен гас поради нискиот притисок на природниот гас.
Ваквите боци често се поврзани со смртоносни несреќи во Пакистан, предизвикани од протекување на гас.
Сахибзада Јусаф, владин администратор, рече дека властите биле известени за експлозијата рано во текот на денот.
Премиерот Шехбаз Шариф им изрази сочувство на семејствата на жртвите, според соопштението од неговата канцеларија.Полициските истраги се во тек.
