Портпаролката на кинеската амбасада во Индија, Ју Џинг, изјави на социјалната мрежа X дека поединци од стратешките и академските заедници во Индија дале несоодветни коментари за реинкарнацијата на Далај Лама.
-Како експерти за надворешни работи, тие треба да бидат целосно свесни колку се чувствителни прашањата поврзани со Сизанг. Реинкарнацијата и наследувањето на Далај Лама по својата природа се внатрешно прашање на Кина. Прашањето Сизанг е трн во око во кинеско-индиските односи и стана товар за Индија. Играњето на картата Сизанга е пукање во својата нога, рече Ју.
Минатата недела, за време на прославата по повод роденденот на Далај Лама, индискиот министер за малцински прашања, Кирен Риџиу, рече дека како „практикувачки будист“ верува дека само Далај Лама и неговата канцеларија имаат право да одлучуваат за неговата реинкарнација.
Индиското Министерство за надворешни работи на 4 јули, два дена пред роденденот на Далај Лама, соопшти дека Њу Делхи не зазема никаков став ниту зборува за прашања поврзани со верувањето и практикувањето на верата и религијата.
Шефот на индиската дипломатија, Субраманјам Џајшанкар, следната недела ќе присуствува на состанок на регионалните лидери во рамките на Шангајската организација за соработка во северниот кинески град Тјанџин.
