Тој беше обвинет за извршување на дело со бунтовничка намера, а казната е изречена поради тоа што на 12 јуни оваа година носел маица со натпис „Ослободете го Хонг Конг, револуција на нашето време“. Овој слоган беше популарен на антивладините протести во 2019 година.
Властите тврдат дека слоганот имплицира отцепување на Хонг Конг од Кина, што е црвена линија за Пекинг.
Обвинителството го обвини Чу за ширење омраза и незадоволство кон уставниот поредок. Судот нагласи дека ова е вторпат Чу да биде осуден поради вакво дело оваа година.
