Неколку високи команданти на иранските вооружени сили, како и десетина нуклеарни научници, беа убиени во израелското бомбардирање, објави Франс 24..
Иранските власти им оддаваат почит со државен погреб. „Сабота ќе биде историски ден за исламскиот Иран и историјата на револуцијата“, изјави Мохсен Махмуд, верски службеник за покраината Техеран, на државната телевизија.
Iranians flooded the streets of #Tehran to mourn the leaders martyred in the Israeli war on Iran.
— Al Mayadeen English (@MayadeenEnglish) June 28, 2025
Among the mourned are the Chief of Staff of #Iran's Armed Forces, Major General Mohammad Bagheri, and IRGC Commander Hossein Salami.
The massive funeral procession also grieved the… pic.twitter.com/VgyypUOlQ8
Рано утрово, иранските медиуми ги емитуваа првите слики од погребните поворки на „мачениците од војната наметната од ционистичкиот режим“. Фотографиите покажуваат илјадници Иранци и ковчези покриени со ирански знамиња и портрети на паднати команданти во униформа.
Израелците тврдат дека им задале тежок удар на нуклеарните амбиции на Иран
Врховниот лидер Али Хамнеи, на власт од 1989 година, во минатото ги водеше државните погреби, вклучително и минатата година по смртта на претседателот Ебрахим Раиси во хеликоптерска несреќа. Но, не е потврдено дали тој ќе се појави денес.
Висок израелски воен функционер вчера изјави дека Израел убил повеќе од 30 високи безбедносни функционери и 11 водечки нуклеарни научници, што е голем удар врз нуклеарните амбиции на Иран. Иран упорно негира дека развива нуклеарно оружје и тврди дека има право да спроведува цивилна нуклеарна програма.
Според Министерството за здравство на Иран, најмалку 627 цивили биле убиени, а речиси 4.900 повредени за време на 12-дневната војна. Иранската одмазда против Израел остави 28 мртви, според израелските власти.
