Споменатите работници ќе ја напуштат компанијата до крајот на ноември и ќе добијат пари и помош за наоѓање нова работа, велат извори.
Дополнително, планирано е неколку стотици вработени во Toshiba да бидат прераспределени во сектори кои покажуваат раст како што е инфраструктурниот бизнис, а реструктуирањето нема да го заобиколи седиштето на компанијата во Токио.
Toshiba претходно во мај најави дека ќе ја намали својата работна сила во Јапонија за шест отсто, односно ќе укине 4.000 работни места, а на вработените им биле понудени пакети за предвремено пензионирање.
Компанијата „Тошиба“ на крајот на септември вработувала повеќе од 65.000 работници во Јапонија, а се очекува на крајот на фискалната година која завршува во март 2025 година да забележи финансиска загуба поради тековното реструктуирање, додава јапонската агенција.
