Според романската Агенција за вонредни ситуации, околу 25 села во девет окрузи беа погодени од обилни дождови и силни ветрови, кои корнеа покриви и дрвја и го блокираа сообраќајот на некои патишта, објави романскиот весник „Зијаре“.
Окрузите Намце и Сучава на истокот од земјата беа најтешко погодени, каде што две реки се излеаја од коритата.
Стотици луѓе беа евакуирани во тие области, а во селото Брстени во округот Сучава, сите пристапни патишта беа блокирани. Три хеликоптери беа распоредени за да бараат жители заробени во поплавените подрачја.
Агенцијата за управување со води при Министерството за животна средина на Романија соопшти дека некои реки достигнале рекордни нивоа и дека се работи на поправка на срушените мостови.
