Претседателот Доналд Трамп му додели задача на Венс – кој се смета за еден од неговите најблиски соработници, но и за скептик во однос на странските воени интервенции – да најде излез од шестнеделната војна. Пред влегувањето во авионот „Ер Форс ту“, Венс изрази умерен оптимизам за претстојното посредништво во пакистанскиот главен град.
– Очекуваме позитивни преговори, но ќе видиме. Ако Иранците се подготвени да преговараат со добра волја, ние ќе им подадеме рака. Но, ако се обидат да нè манипулираат, преговарачкиот тим нема да биде толку приемчив – изјави Венс.
Ванс, исто така, рече дека Трамп „ни даде прилично јасни упатства“ за тоа како треба да се одвиваат разговорите, но не даде повеќе детали. Не одговараше на прашања од новинарите што патуваа со него.
Патувањето се реализира во услови на кревко примирје и длабок јаз меѓу барањата на Иран и оние на САД и Израел.
Покрај Венс, во делегацијата се и специјалниот пратеник Стив Виткоф и Џаред Кушнер. Тие претходно учествуваа во индиректни преговори за иранската нуклеарна програма и за регионалното влијание на Техеран, пред ескалацијата на војната што започна на 28 февруари.
