„Се очекува дека „лебдечкиот“ воз ќе биде поевтин и дека изградбата на пругата ќе потрае помалку време од изградбата на нова подземна железничка линија“, изјави претставник на берлинската ЦДУ.
„Покрај тоа, интересна е информацијата, особено ако се земе предвид хроничниот недостиг на работници во берлинската јавна сообраќајна компанија БВГ, дека возот маглев ќе сообраќа без машиновозач“, нагласи Штетнер.
Берлинските медиуми пишуваат дека на тој план се согласиле и социјалдемократите на канцеларот Олаф Шолц.
Изградбата на пробната патека ќе чини, според Штетнер, од 80 до 85 милиони евра, а ќе се финансира од посебен фонд вреден пет милијарди евра за проекти кои треба да ги ублажат климатските промени. Функционерот на ЦДУ не соопштува детали за трасата, а не се знае ни кога треба да почне изградбата.
Западен Берлин имаше од 1984 до 1991 година кратка M-Bahn линија за магнетни возови, која првично беше тест проект, а потоа накратко беше вклучен во редовниот сообраќај. По обединувањето на Германија, проектот беше напуштен, забележува агенцијата dpa.
