Имено, на инсистирање на новинарите, портпаролката на Белата куќа, Каролин Ливит, одговори дипломатски.
„Реакција на овој напад? Војната мора да заврши, таа е брутална, има премногу мртви, а претседателот Трамп им кажа на двете страни дека конфликтот треба да се заврши на преговарачка маса“, рече Ливит.
Таа додаде дека Трамп е отворен за предлогот на Ердоган Турција да биде домаќин на самит на кој би се собрале претседателите на САД, Русија и Украина, Зеленски и Путин.
„Претседателот рече дека е отворен за тоа, но ако тоа се случи, тој сака двајцата лидери и двете страни да седнат заедно на преговарачка маса“, рече Ливит.
Да потсетиме, во неделата, Украинската безбедносна служба (СБУ) спроведе една од најамбициозните воени операции од почетокот на војната - операцијата „Пајажина“, во која нападна четири руски воздухопловни бази: Белаја, Џагиљево, Олења и Иваново.
Нападот беше извршен со употреба на повеќе од 100 беспилотни летала, а целта беа стратешките бомбардери кои се користат секојдневно во нападите врз украинските градови. Според извори на СБУ, повеќе од 40 руски авиони беа оштетени или уништени, вклучувајќи клучни типови бомбардери и авиони за рано предупредување.
